Ni-tum madiak ii nitak tung khat in, tangval no khat in, ann-buk sung aa, an huan aa, a buai,a Nu kiang va pai phei tingteng in, lai dal khat a va lak hi..A Nu in zong, a khut nin, a ang-dap tung, nul in, lai a sim hi. A sung aa a ki at .....
Kiak bawt man.....$5.00
Ka lup-na khan ka sian-suah/phiat man...$1.00
Van lei aa,nong sawl man....$5.00
Zi(Shopping) na pai lai tak ka nau kep man---$0.25
Nin ka paih man........$1.00
Sang pan ka mat/Marks ngahna,Report card a hoih man.....$5.00
Innkim teng ka phiat man...$2.00
A vekpi.........$14.75
Hiim......lawmlawm zawzen...leiba ong sik dan,na hi mawk aa le ka ta.Nu in zong, a din sa mah in ,a tapa en hi.A gei aa, ball pen la in, lai dal nung lam, a awng na mun ah.....
Ka ta aw, ka sung ah, kha 9 sung vilvel kong paai/puak man....sum kong la kei hi.
Ka ta aw, ka sung ah , na om lai tak in, ka duh khem peuh ne ngam lo aa, ka ki dek na te leh, nang(naungek) aa ding aa, a kisam khempeuh duh lo pipi aa ka nek tantan na te ...thaman...kong la kei hi.
Ka ta aw, ka sung ah, na om lai tak in, ka tha-gui te na in, ka khe bawk in, ka mai, ka mel na ngawn sia in, a om hang......tha-man kong la kei hi.
Ka ta aw, ka gil sung pan,nong tuat,nong suih sial in, ka thuak-na, ka gim-na, na ka sak na te, tha-man kong la kei hi.
Ka ta aw,zan kim,zan kam,kong khoi na te leh, kong thunget sak tawntung na te tha-man....sum kong la kei hi.
Ka ta aw, gentheih hamsatna hun te khempeuh ah,ka khi-tui nap-tui a luang te tha-man.....sum kong la ngei kei hi.
Ka ta aw, patau'h linglawng' na te tawh a ki dim, a beisa, zan tampi te leh, mailam aa ong pai lai ding, na mailam ding, ka lung hih-mawh na te tha-man....sum kong la ngei kei hi.
Ka ta aw, na ki-mawl na ding nau-mi-liim, ann-nek tui-dawn, puan-silh nik-ten te leh na nap kong siak sak tawntung.....tha-man kong la kei
Ka ta aw, puan na silh ding ciang, inn-om puan, vak-pih puan, lup-pih puan, kimawl-pih puan ci'n na khen theih na ding, kong hilh na, thaman kong la kei hi.
Ka ta aw, inn-lak na vak ding ciang, midang a nawngkai sak, na hih lo nang, mi mit-hek na theih nang, kong vai-khak tawntung na te....tha-man kong la kei hi.
Ka ta aw, lai na sim ciang in, pum sim lo in, a khiatna tel in, na nuntakna ah nazat theih nang, kong vai khak tawntung na te..tha-man kong la kei hi.
Ka ta aw, na vak ciang in, nong ciah ma teng, ih mu thei lo in, ka lung hih mawh ,ka lungkham na te , tha-man kong la kei hi.
Ka ta aw, a tung tham pan, mi te muh na ah, na thupi't ding sang, na gamtat, na nasep zawh na sunsun te , mi te aa ding, a khiatna nei, a thupi a hih nang, kong thu hilh na te...tha-man kong la kei hi.
Hih teng khempeuh khit ciang, kong itna tha-man kong la kei lai hi.
Tangval no pa zong, a Nu thu gen teng a sim khit ciang in, bang mah, kua mah tawh a ki teh thei lo,a Nu itna tel a hih man in, ki aip zo nawn lo in, khi-tui nap-tui tawh, a Nu kawi phei in," Nu aw, ong ngai lua ingh" ..Den-na a leiba sik-na lai dal tung ah, " Pia khin zo" ci'n a at kik hi.
A ki teh thei lo NulePa man-phat na bang zah ta in lian cih pen, ZileTa na neih ciang,a hih kei leh, na thanem mahmah hun ciang, na tel semsem ding hi.
NulePa tung, thu hilh,thu kham, thu-dot hat te i hih sang', a pia khia diak ta te i hih theih nang, hanciam ni.SumlePai a hi lo, a lunggulh i piak zawh, i piak theih ding na tam lua zen hi.
Tua a hih man in, a dam lai Nu te tawh a om khawm thei kha ten, " Nu aw, ci'n a biang nam in, mawhmaisakna ngen ni.A om khawm kha lo ten, Ph.sum thun in, ho tek ni.A dam lo, ong paisan khin i Nu te aa ding, thu-nget sak in, thu-ngetna tawh ki zom ni.
Lai sim mimal kim, NulePa a it tawntung te i suah theih nang, Topa'n thupha ong pia kim ciat ta hen.
Ong tung ding May 9, 2010 Sunday(Second Sunday of May) Mother's Day ,Nu Te Ni ah,leitung muntuamtuam aa om, a dam lai leh ong pai san khin Nu te khempeuh, hih lai tawh zahtakna ka pia hi.
Ref: A Mother's Love
By Unknown Author
Itna tawh,
Nicholas Pau
