Zomi ka hi aa, Zomi ka it hi

Zomi ka hi aa, Zomi ka it hi.

Zomi ka it na in, Zomi a hi lo te muhdahna a hi kei hi. Zomi te tawh a ki lawmta thei, a ki ho thei, Political a vaihawm khawm thei, minam vai Ethnicity ong thupiit bawl thei, Freedom, Federal a kemcing thei ding khempeuh, Burman a hi zong, kuakua a hi zong, lawm bang in, ka it hi. Bang hang Zomi ka it man hi.

A hi zong in, Zomi te a muhdah te, Zomi te a en neu te, Zomi te a ong deidan te, Zomi te ong beimang sak nuam te, Zomi te ong Spy te, Zomi te ong sutuah te, Democracy movement cici pong aa, Federal a nawl khinkhin te, Majority rule thupiit bawl keei na pi uh in, Minority Rights a thusim lo te, Zomi te a it lo te,  ka it kei hi. Bang hang, Zomi ka it man hi.

Zomi ka hih nang neih le lamh, sum le pai tawh a tan ka hi kei aa, Zogam pan ka khan' khiat khak man leh ka khan' khiat khak lo' man a hi zenzen kei hi. Zomi ka hih na in, ong piang sak Pasian, Topa ong guat ka Zomi sisan hang ahi hi.

Zomi ka it nang pilna sang, Degree sang, ka ki sam kei aa, min mai aa thuah ding Title lian pipi ka kisam tuan kei hi. Dollar tampi zong ka ki sam tuan kei hi. Zomi ka it nang, a ki sam khat in, Zomi nuntakna le hin'khua ka it theihna, ka Zomi lungtang bek ka ki sam hi. Tua in, Zomi ka it na ahi hi.

Zomi ka itna a Harmony theih nang, pil luat a kul kei hang, pilna ka ki sam aa, theih luat a kul kei hang, ka theih a kul hi. Ciim luat a ki sap kei hang, ka ciim kul hi. Pilna in, laitan pilna bek a hi kei aa, thulela pilna zong ka ki tang sam hi. Doctor khempeuh in, Doctor a ngah nang, lai a theih uh kul in, lai a pil uh zong a kul kha ding hi. Lai pil khem peuh, mipil a hi kei aa, Doctor khem peuh, Medical Doctor a hi kei hi. Tua mah bang in, Minam Doctor zong a hi gai tuan kei uh hi. A hi zong in, a mau Fields ciat vuah, Expert a hi pah uh hi. Tua a hih man in, zahtaak huai mithupi te ahi uh hi. I Zomi Doctor khem peuh zahtaakna ka pia hi. Zomi ong tawisang khem peuh tung ka kipaak hi.

Zomi it khem peuh lai na pil lo' uh in, lai pil lo' khem peuh zong, mi pil lo' a hi tuan kei hi. Edison Thomas, Elva pen, lai hai mahmah khat hi in, leitung bup Scientist mipil pi khat a hi ngei aa, a min a nungta tawntung hi. Tua a hih man in, Zomi it peuh mah in, Dr. etc cih bang tilte pua kha lo, Zomi it tampi te, i phawk khak lo' ding pelmawh a thupi ding hi. Tua in, i Zomi itna taktak ahi hi.

Zomi it tektek khentel kik leng, namdang te tawh kizopna lam sem(Zomi te vai ah), Zomi Politicians te role a ki hel lo' in, minam picing kipawlna a hi kei ding hi. Minam itna hang in, mat le hen thuak, nuntakna piakhia ngeingau keei uh hi. Bang hang hiam, Zomi a minam a itna hang bek in, hih bang a tawsawn zo ding hi. Zomi it, Zomi Politicians khem peuh kong it phadiak hi. Ka nuntakna ah, lamlak aksi na hi tawntung ding hi. Zomi khangthak sung ah zong, Zomi Politicians tampi ong om lai ta hen. Bang hang, Zomi ka it man hi.

Zomi leh Zomi kizopna, Zomi Society sung ah zong, Political Concepts a ki tangsam khol lo, nasep ding tampi mah a om aa, tua te, i sep zawh nang, sum le pai, neih le lamh, "Title" tampi te kisam masa, thupi masa kha ding hi. Tua te bek mah, mit muh tung tham pan, minam etpi theih tungtham kivakna or siamna ana hi zel hi. Zomi kipawlna makai khempeuh tung lungdamna lian mahmah hi. No mau hang in, ka tun nana ah, ka pawl, ka lawm ding a na nei ka hi bek hi. Zomi innkuan kipawlna khempeuh tung lungdam hi. Bang hang, Zomi ka it man hi.

Zomi it khem peuh aa ding, i role tek, a thupi aa, a hi zong in, Minam khat gam khat, kiukna khat peuh mah tawh a ki sawh kha ding limlim i hih leh, Political Concepts ong thupi kha ding hi. Kawlgam ah, Democracy i cih leh, Federal koi teng tung.? Zogam Zomi ten ong uk kei leh, koi ah, i Pinglong ? Zomi ten a uk ding i hih leh, koi ah Unity? Support?

Zomi makai picing, Pu Mang Tung Nung, Pu Khen Za Mung bang, Zomi Momno lai ah, pak bang hong palh in, gua bang ong hing lai ta hen.

Zomi makai Pu Cin Sian Thang le ZNC ong tha hat semsem lai ta hen.

Zomi min pua kipawlna khem peuh, ong hat semsem ta hen.

Zomi min pua mimal khem peuh, bulkim pilna in, ong lam sang mengmeng hen la, ong Harmony sak mengmeng ta hen.

Hih teng khem peuh Zomi ka itna man bek ahi hi.

Zomi ka hi aa, Zomi ka it hi.

Nicholas Pau

Sih Na Pan Hong Hon Khia Topa

Leitung nuntak tawmvei kal, mit phiat kal, a sau lo, tawmvei kal sun bekbek hi mawk aa, hun khat teitei teh, leitung nusia ding vive hi hang cih thu in, leitung mihing a kua ma peuh ii, theihciat thu khat na hi gige hi. A hi zong in, thu-um mi i hih zawh teh, i leitung nuntakna te pen, Topa ong sap hun a tung ma teng, ki pelh tawntung ding hi ci-in zong, ki sang kim theitek hi.

October, 22nd 2011, Saturday ni pen, Zomi khat aa ding in, a leitung nuntak Experience ah, a mangngilh ngei lo' ding, a mangngilh huai het lo ni, leitung nuntak nading huih a dik zozo lai ding in, Topa a kepna, a kilat na ni khat nahi hi.


A thu a kicing in, Farmland Foods Inc pen, Nebraska state sung aa om a hi, "Crete" khuano khat ah om hi. Company pen liam simsim a hih man in, nasep hun(Shift) thum in, ki khen hi. Department tuamtuam in kikhen aa, Kill Floor(A gawhna), Cut Floor ( A tan-na), Loin(A Cingsa lam), Ham Boning (Vok Phei), Chop( A Sem-na)., Curing( A sapwna), Smoke House ( A Huan-na), Smoked Meat( Huansa te Pack), Beacon, Loading Dock, Sausages, Pre Cooked Sausages, Case Ready, Rendering, Rib Co, Picnic, JBO( Japanese Business Operation) cih tuamtuam om hi. 


Smoked Meat thu a tom in, Smoke House pan sa min sa te, Smoked Meat le Beacon te Cooler sung ki puak hi. Sa te pen, Tree a kici te tung ki khai in, tree 1 ciang in, 1500-2000 lbs kiim gih hi. A ki khin na a nop na ding in, a tree dawn ah, pei(Wheel) nei hi. Tua a pei te pen, meileng pei bang in, tua meileng pei te pen, zuak a bang, siklampi te tung ah, ki nga in, i deihna mun i tutpih zawh na ding in, ki khin kawikawi thei hi. I deihna mun i tut zawh na ding in, a lampi khat le khat i kawm nang, Switch or Bridge om hi. Cooler sung aa nasem khat peuh mah in, tua Switch te a et cingtel kul hi. 1500-2000 lbs kiim a gih, Sa khai-na tree te kia leh, ong delhpek zan zo ding hi mawk hi. 


October 22nd 2011, Saturday nitak 10:45 PM hun in, Smoked Meat Cooler sung aa, a sem Zomi khat,  Sa khai-na tree te delhpek ding dinmun pan, Topa'n ong hon khia zo hi. Tua Zomi khat in, a Cooler sung pan in, Tree pi khat sawn geekgeek in, Scale teh hi. A gihna 1800 lbs ci-in, Work Sheet tung ah ciam teh hi. A work sheet tung a ciapteh khit zawh lian ciang, Cooler pua lam a sawn khia ding in, a ki pat leh, mi phiat kal sung in, 1800 lbs a gik Tree pi kia suk dam hi. A seppih a lawm a gual, a Team Leader pa te in, va delh phei pah in, "Lawm aw, bang ci na hiam", Zomi pa in zong, "Kei bang mah ci keng, ka tree pen a ma thu aa, a ki khai na a sik ong ki tan in, a ong kia hi mawk hi" ci hi. Team leader pa in, "Thei ingh, hih Tree tawh kisai dah keng, nang bang ci na hiam, limtak in, ki zuk in, am biangbuang aa, a ki phawk kha lo na hih ding ka patau lua hi" ci hi. Hih Tree te pen, a tung aa a ki thuah a Wheels te, lui lua ta a hih man in, pawl khat ki sawn zo lo hi. A ki sawn zawh lo' teh, a hun lap aa, Cooler pua i tu't veve kul a hih man in, pelmawh kaih zong ong kul thei hi. Tua bang in, i kaih hun teh, i pumpi(Physical Body) pen, a tree nuai ki tung hi. Hih Zomi pa in, Tree a kaih hun tawh a ki tuak bang hi zenzen leh, a pumpi a zangcil khin mang ding hi ta hi. A zom ah, Tree pen, a nung lam ah zong, ong thal tuk thei hi. Tua bang in, a thal kiat bang hi zenzen leh zong, Zomi pa a tawmpen, a mai teng sukha ding aa, liambai in, sisan nai san tawh a om ding hi. A hi zong in, Topa'n Zomi pa it a hih man in, a tree kia pen, a muktu sak hi. 

Tua a hih man in, Topa'n a lamdang tak in, kei mah Zomi pa, Zokhuva blog at pa, sih na pan hong hon khia zo hi. Leitung mi te in, khat le khat a ki it vive hi mah ta se leng, a ki cimtak thei te i hi gige aa, a ki mawhsak nuam phadiak te hi in, a ki haza thei nam te ihi hi. Khat veivei miidang dang ten, ong it ding cih tha dah, kei leh kei na ngawn zong, ka ki it lo' hun a tam mahmah hi mawk aa, a hi zong in, Topa ong it tawntung hi cih thu, hih ka blog a sim khempeuh tung ah, Teci(Testimony) kong pang hi. 




(Hih thului pen, mun tuamtuam, Net tuamtuam ah, hawmsawt pulak ding kiphal hi. A hi zong in, lai at pa Blog pan hi cih thu nong hel sak nang un, kong theisak hi.)

Myanmar Christian Radio

Tuni ka ci nuam mello in, ka assignment bawl ding honkhat ka neih tawh, ka makaipa kiang, 

 "Sia aw, ka ci nuam mel kei, ka khuasik keei in, i nasep lah a tawm lel tawh, ka na ciah thei ding hiam"                 ci'n ka gen khualkhual leh 

"Aw, tua bang a hih leh, ki ngah lua ei, va ciah lel in la, zingciang nong kuan zawh kei ding leh kei ong zasak kik in" 

 ong ci in, tua teng tawh, ka nasepna Crete, NE pan, ka omna Lincoln, NE `ka motor Toyota Camry lui/tek 1998 a pangdeppi tawh ka ciah suak hi. Inn ka tun tak ciang in, hih bang aa, ka ci na suak leh piang peuh mah lo ding, ka hih teh ci-in, "Exercise" ka theih tawp teng ka khua-ul kai dong ka hih khit tak ciang in, "Refresh" kik theih nang ci'n, ka kisil semsem hi. Tua khit zawh teh, ka om ong nuam zaw deuh in, ka laibawl ka kipan hi.

"Nasep Full-Time, sangkah tawh thuah zong, a baih hi kei zen ei maw" ci-in kei leh kei ka ki cici kha zel. Innkuan leh naute mailam ding etkul lai hi mawk a hih teh, bang zah ta in, a hamsa zong, awlmawh kei phot ning ei, ka na ci zel hi. Ka laibawl kawmkawm, ka mit ong kham in, ka email ka check vat leh, khuapih pawl khat na online zihziah leh kilawm, ka pusuak kik mai. Ka khuaNet ah lai ka at sawm nawn kei phot ta dih hi. Nidang in, mipil khua hi kha mah nung in, tun bel a hih leh, mihai khua tawh a ki lamdang khol tam thei keng. 

Tua leh, net khat pan, "God-Breathe Music Group" ka va mu kha dihdih aa, ka va et leh, Gospel Song, Pasian la bekbek a sa, kawlgammi pawl khat te ii Band khat na hi in, tua ah Po Dali Thei Than zong ki hel aa, a pasal Ko Nyi Nyi pen Manager na hi sawnsawn lai hi. Ma Po pen, 1996 ka tan 7 kum aa, hoih ka sak mahmah lasiam khat hi in, "Saw Bweh Mu" phawkna tawh a lasak kik uh a hi, "Maa Deh Phet Ma" series bang tudong ciang mah ngaihnop ka sa lai hi. Tuma kum 15 kimpawl aa hoih ka sak mahmah Ma Po in, Pasain la bekbek tawh, na ong sep tak ciang, a mel mahmah zong, hoih ka sa tektek mawk hi. 

Tua zom ah, a mau website pan ka muh khiat, "Myanmar Christian Radio" ka va muh toto' lai tak ciang in, tuni ka ciahbaih, naitawm, sumtawm ding, cih lunghihmawhna tuamtuam te in, a ong vuknelh kimlai, thupha a sang in, ka ki tuat zaw hi. Kei mah bang aa, online Radio a lunglut i om khak zenzen ding leh, ci-in, ka khuaNet ah, ka at sawm leh, ka tha dah kik in, ka blog ah, a ong at ka hi ta mai hi. Online tung pan, email check kawm, chatting bawl kawm in, Pasian la te ngai kawm in, tha la ciat ni ei ci-in, a nuai ah, a link kong khak hi.

Myanmar Christian Radio

Computer Security, Ethics, and Privacy

Information Theft

Everyone would be familiar with information theft. Information theft is a scary issue for not only individual but also companies, organizations, and universities. You can be stolen important information such as, email password, bank information, and social security information.

In April 2006, University of Texas, Austin was attacked and downloaded personal information of 197, 000 students, alumni, and employees by hacker according to the article “Defending Your Identity” written by Robert Lemos of PC Magazine. Even though the rate of identity theft occurrence is becoming high, there is no way to avoid it. As long as we are accessing to the internet, it is sure that you may face cybercriminal.

Identity thefts are occurred on both online and paper. So it is important not to throw simply your bank statement, old bill, and financial records. To defend identity, Robert Lemos recommends getting annual credit reports from three major credit bureaus by enrolling one of the following

1. Security Blankets, www.annualcreditreport.com
2. IdentityGuard, www.identityguard.com
3. Lifelock, www.lifelock.com
4. MyFICO Identity Theft Security(FairIssac), www.myfico.com/Products/IDF/Description.aspx

Scott Raymond of ZDNet mentioned that accessing to the internet is running the risks. Most of the people know the danger of information theft but don’t for protection. It is possible to access remote until you cut off accessing to the internet by hackers. According to the US Department of Defense, successful network intrusion can be done using a rogue USB flash drive.

The reason that the cyber thieves are trying to capture your information are understood. So precaution is very important for all users. Opening email attachment file from the unknown sender is not recommended. It will be better staying away from porn web site. Make sure you always on the firewall even you don’t have hardware firewall, most of the operating system are included their built in firewall.

Scott Raymond stated that we need to be aware of social engineering which uses the human elements by hackers. Keeping password private is important. Avoid writing the password on the post-it note. Hackers can send you email including some website which is similar to your bank website by promoting something. Whenever you receive this kind of email, never type your bank information on before thinking twice. Otherwise they can access to your account. As the threat of information theft is dangerous, it is important not to forget to do the best to be safe, be careful, and be smart.

Sometimes, no matter how we are trying to do the things carefully, your personal banker can steal your bank information. According to the PC Word, one of the Bank of America center employees, Brian Matty Hagen stole the client information and tried to sell it for cash. Finally he pleaded guilty and he is going to face 30 years in jail and $ 1 million fine. This news alerts us to check our credit report regularly as Robert Lemos mentioned above.

CNN reported that cyber self-defense must be practiced actively. If you run automatic software updates, maintained up-to-date antivirus software, you can be safer from cyber-threats and cyber-attacks

As U.S economy and component of the U.S. government is all depended on networked information technologies, Federal government’s cybersecurity is very important. The more dependencies grow, the greater cyberattacks occur. So, the intelligence community has taken an essential role in cybersecurity.

References

Shelly, Gary and Misty Vermaat. Discovering Computers 2010. Boston: Course Technology, 2010

PCmag. (2006, June 21). ”Defending Your Identity.” Retrieved September 19, 2010 from http://www.pcmag.com/article2/0,2817,1978634,00.asp

ZDNET. (2010, August 27). “Personal Computer Security: Using Uncommon Sense.” Retrieved September 19, 2010 from http://www.zdnet.com/blog/perlow/personal-computer-security-using-uncommon-sense/13878?tag=content;search-results-rivers

CNN Opinion. (2010, September 3). “Cyber self-defense can help U.S. security.” Retrieved September 19, 2010 from http://www.cnn.com/2010/OPINION/09/03/senators.cyber.security

PCWorld. (2010, June 7). “Bank of America Call Center Worker Pleads Guilty to Data Theft” Retrieved September 19, 2010 from http://www.pcworld.com/article/198263/

LINGBUL AH A TU KHAICI

Leitung nuntak gentheihzia lungkham sinkham na te bek tawh hi zen aa maw, nisim. Sim le mal maw, beh leh phung, sakmi khangmi kikhen lai ta zen aa maw, I lungsim. Si khat sa khat, pum khat hi hang cici zel na pi hang in, ka si, ka sa, ka beh, ka phung mah cici lai veve hang aa maw, I pai zia te. Tuun sung khat piang laizom teng aw e, I aituam angsung pom kinken lai hang maw, a tawntung.

Nitak khat, ka lupna tung ka phiaphia. Ka ki heihei kha mai. Mit sisa pi mah in, ka mu teitei. Hiim, mi te neih leh lamm, sum leh pai, Nu le Pa, ulenau, a nuntak khusakzia te uh, en theih hi lo na pi in, ka va en kha, teel theih ding hi lo na pi in, ka va teel nuam kha, sut zawh ding hi lo na pi in, ka va sut nuam kha mai, ut thu hang hi lo na pi in, ka va ut zaw kha mai...

Ka mailam nuntakzia ding lunggulhna, ngaihsutna tuamtuam tawh, lungbuai in, ka om hi. Mihing nuntakna nei mimal khat ciat ii dinmun, a deih, a ut teng khempeuh cing khin gai mai ding cih Aden thukhunthak a om na hi zenzen lo aa maw, ka va ci kha zel leuleu.

Lungnop tawldamna. Neutung aa kipan, kazak zel thu. Ka tel zawh lo' thu. Ka ciap khak ngei lo thu. Tua lungnopna thu. A kilawm, a kituak khop ciang ding vang a nei hi zenzen leng, ka nuntakna zong mi te lak ah mann ong nei kha zaw deuh tam.? Ka nuntak a khiatna ong om kha zaw deuh tam?

Mihing te mannphatna tel mah ta leng zong, ken tua na nei kha lo sawnsawn zel. Lungsim thanem na pi tawh, kei leh kei ka ki itna zong, a ong bei hanhan mawk hi.

A nungta Pasian, sihna pan a thokik Topa, a thu-um mi ka hi aa, a nunta kam-mal te, ka na awlmawh kha kei mawk hi. Ka hamsiatna ka ki tel pan hi. Upna tha zawngkhal khat ka na hi lel hi.Lungnopna ding tampi ka nei hi. Thupha tampi ka sang hi. Ka saansa thupha te ka awlmawh kha kei aa, ka huaiham toto zaw hi. Saansa thupha te, lungdam koh ding leh, Topa min phat ding ka phawk kha ngei kei hi. Thu hi lolo ngaihsun in, a buai ka hi zaw mawk hi.

Ka dinmun, ka nuntakzia in, “LINGBUL AH A TU KHAICI” ka na hi lel hi. Pasian thu zaza na pi-in, leitung duh leh deih te hang in, upna kip, upna kician, ka na nei zo nawn kei aa, upna na ngawn ka tanlawh phial dektak hi.

“Lingbulsum omna leilakah a tu khaicite pen Pasian' thu za napi-in amau nungtakna sung uhah leitung lunghihmawhna leh hauh nopnate in Pasian' thu vuknelh ahih manin bangmah a suakkhia zolote a cihnopna ahi hi” Matthai – 13:22

Aw Topa, Lei hoihna ah atu, khaici ong hi sak ta peuh ta in maw, Topa

“Ahi zongin pawlkhatte, lei hoihna mun tu-in hong khang hi. Pawlkhatte in a zah za khat, pawlkhatte in a zah sawmguk, adangte in a zah sawmthum a gah hi.”

Matthai – 13:8

By Lian Thawn Pau(MuizawlMaung)

RE : Major. Mang Tung Nung Thugen-na leh Zominam Ni Thu

RE : Major. Mang Tung Nung Thugen-na leh Zominam Ni Thu

Hih Pu. Mang Tung Nung thugen-na ka sim tak ciang, thupi ka sa lua mahmah hi. Kam-mal khat ciat in, a khiat-na, nak neih lua mahmah hi. Laigual khat ciat in, lungsim ong sukha leklek hi. Tulaitak dinmun tawh, National level in, i President pa, Thein Sein in zong, hih bang pilna, ciimna, a nei hek kei ding hi.

Pilna, ciimna i cih tak ciang in, annsung pilna te a gen i hi kei hi. I khua tek, i beh tek, i phung tek bek tawisang nopna hang bek tawh, khua khat leh khua khat kigalneih, beh khat leh beh khat ki toto/koko, phung khat leh phung khat ki kapkap cih te in, minam itna man na hi kei hi.

"Charity begins at home" cih mikang kammal a om mah bang in, NulePa a it lo, a zahtak lo, peuh mah in, UleNau ong it zo tuan lo ding, UleNau  a it lo, a zahtak lo peuh mah in, KhualeTui ong it zo lo, ong zahtak zo tuan lo ding aa, KhualeTui  a it lo, a zahtak lo peuh mah in, BehlePhung zong ong it zo lo, ong zahtak zo tuan lo ding aa, BehlePhung a it lo, a zahtak lo peuh mah in, GamleNam ong it lo ong zahtak zo tuan lo ding aa, GamleNam a it lo, a zahtak lo peuh mah in, gam-dang, minam-dang, khua-dang, beh-dang, phung-dang, sanggam-dang peuh mah, it zo het lo ding hi.

Tuhun Zomi makai pawlkhat in(Religion), "Zomi te aw, na om na peuhpeuh vuah, na hi lunglung kei un la, na hi lingling un ci'n kam vaikhak khat leh nih ong nei kawikawi thei hi."Makai hoih i cih te in, mi thupi, kepcing ding a kisam te zong, thupi bawl pah uh in, tangthu man zong kem cing pah uh hi.

Tuma kum 50/60 kiim pawl in, Zomi sung ah, Dr. (Medical lam a hi lo), Ph.D Doctor of Philosophy i om nai kei hi. Tua hun lai aa, Minam makai Pu.Mang Tung Nung, Pu.Khen Za Mung te in, ZOMI i hihna leitungbup theih khiat na ding in, ong lak khia zo hi. ZOMI te in, paulehaam nei, ngeina nei, leitang nei, gaam nei hi cih pen, hih Sia David Khual ong hawpsawn, 1957 February 20th ni aa, Pu. Mang Tung Nung thugen-na pan i mu khia hi. Zolai tawh ki at lo in, Kawl lai tawh ki at aa, a kemcing te pen, ZOMI na hi lo in, LAIMI te na hi zaw hi. ZOMI kipawlna i nei hi. Tam lua zen hi. ZOMI media zong tam lua zen hi. I za ngei kei hi. Zak sunsun te in, Criticism tam zaw hi. Bang hang ?

Pu Mang Tung Nung in, 1957 kum in, ZOMI bup a vaikhakna ah, "Na hi lunglung kei un la, na hi lingling un" cih ciang thumuhna tawh thu na gen lo hi. ZOMI itna in, minamdang te itna, ZOMI itna in, Myanmar itna, Myanmar Flag i itna, (tua hun lai aa kizang, kawlgam dial-khai ah, aksi 5 tuang hi. Tua aksi 5 lak pan, 1 pen, ZOMI a cih na hi.)

2011 in, U.S.A President Barrack Obama in, a galpi uh ahi, 911 Terrorist Osama Bin Laden a ong mat zawh tak ciang in, a mahmah in thugen hi. "Tu-ni in, thu-maan khensat-na ki lak khia zo hi. American te in, i sep nop khat peuhpeuh, i sep zawh na, i lak-khia zo hi. 911 tungtang aa, i sup i it i sanggam te tung, i itna i lak khia zo ta hi. I minam itna i lak -khia zo ta hi. Hih bang i sep zawh na pen, mivom i hih man hi lo, mikang i hih man hi lo, United States of America, ki pumkhatna tawh, i dinkhop man a hi hi.  American te in, Isalam te tawh gal a nei ngei kei ding hi.  

ZOMI makai Pu Mang Tung Nung in, 1957 kum aa, a thu muh zia leh, leitungbup aa a hau pen, a thupi pen, a thunei pen gam, U.S.A makai, President khat in, 2011 aa a thumuhzia kikim hi. 2011- 1957 = 54 kum. U.S.A President khat ii thumuhzia, tuma kum 54 lai in, ZOMI makai Pu Mang Tung Nung in, na mu khin hi. Ph.D ngah ZOMI Dr. i tam semsem hi. MINAM Dr. i kibehlap nawn kei hi. Mimal khan' to na tampi om aa, minam khan' to na tawm mahmah hi.

Pu. Mang Tung Nung in, minam thupitna, minam itding, gen hi. A dang te langbawl ding a gen kei hi. ZOMI i hih na, leitungbup ong theihpih ding in, ong pan khia hi. Si khat, sa khat, aw khat in, ong din pih khin hi. Ong gamtuah khin hi. Hih bang tangthu, mithupi, ZOMI HEROES te

• Banghang ZOMI ten' kem cing nuam lo i hi hiam ?
• A kemcing pipi mah a thei kha lo i hi hiam?
• A awlmawh ngiat lo i hi hiam?
• Kisam a sa nawn lo i hi hiam?
• I Khuapih tuipih a hih lo' man a hiam?
• I beh i phung a hih lo' man a hiam?
• Nekpih kha keng a ci i hi hiam?
• Bang hang a hi hiam, bang hang?

FAQs tuamtuam tawh,

USA AH ZOMI TE MILLIONAIRE SUAH THEIH NANG(Sia Tual Kim-June 5,2011)

It leh Ngaih te teng,

Tuni nasep na pan inn tung phet, email i cihcih a hi, ka electronic laibungpi Yahoo ka hon leh, PTV suumpy a ci khat in, Zomi Innkuan USA aa, a khah khiat, "USA AH ZOMI TE MILLIONAIRE SUAH THEIH NANG(Sia Tualkim)" ka va mu kha dihdih hi.

Dihdih hiau zen, a bang mi pheng phia khat ii ciamnuih hi zel ding hiam cih kawmkawm, ka dinmun ka va ngaihsun kha dihdih zen hi. "Millionaire cih lialua bel thei kei na veng in, nek tawm ding thalawh tawm beek tawh zing ann nitak ann a khom liamliam khat ciang bek hi leng maw" ci'n ka ngaihsun kha vat hi. 

Tua kawmkawm leh, a link ka va mek kha ziuh zel hi. A aw/Sound ka ngaihngaih phot ta dih leh, a video mahmah zong ka va en kha aa, ka khawl thei nawn kei aa, ka va en suak kha hi.

"Life Insurance i cih mawk pen, ZOMI te theih ding, a thupi mahmah thu laigil khat hi mawk mah veh e" cih kawmkawm leh, hih bang Seminar ong pia, Sia Tualkim tung leh, mikim theih ding aa, a ong Broadcast khia, FGA leh a zat tangzang PTV Suumpy te tung ka lungsim in, lungdam ka na koko kha hi.

Guai Muizawl ta ten e leh, bang i cih ngiahsun kha tam, a nuai aa link mek ding hi lo dia maw????

A Forward Sawn,

Nicholas Lian T. Pau

----- Forwarded Message -----
From: PTV suumpy <suumpy@gmail.com>
To: FgaCommunity <FgaCommunity@yahoogroups.com>; fgaimtulsaCommunity <fgaimtulsaCommunity@yahoogroups.com>; tongsan@googlegroups.com; zomiinnkuanusa@googlegroups.com; ZomiTulsa <ZomiOK@yahoogroups.com>; zcftulsa <zcftulsa@googlegroups.com>; Suantak Von Kim <tualzokim@gmail.com>
Sent: Friday, June 10, 2011 1:38 AM
Subject: [Zomi Innkuan USA] USA AH ZOMI TE MILLIONAIRE SUAH THEIH NANG(Sia Tual Kim-June 5,2011)

LEITUNG NUNTAK SANG KAH BANG

Lawm nang bang cih ngaihsut??

Tusung teng, ka om na khua Lincoln aa om, ka mipih sapih te tawh, ka ki muh kal ding, a kin lo ka hih zenzen kei hang, a lawp lo ka hih lam tak bel kei leh kei ka ki thei hi. Banghang cih gen ding in a thulu vawh pak ding a om theih vat kei hang, a thu zuung om cih bel ka tel leuleu hi. Mi muhdah na ding, bang sem kha aa, bang ci dan kam mal zangh kha ka hiam cih pen, ka ngaihsut zawh kei hang, ka ki suan lo' lam tak, ka ki tel leuleu hi.

Ong ki muhdah lian a hih kei hang, ong ki it taktak zo lo hi cih zong, ka tel hi. Lawm te pawl khat in, 

"Thu khat peuhpeuh pen, vei luat, kin luat ding hoih lo hi. Leitung hi cih zong phawk tawntung ding leh san' theih ding kisam hi" 

ci'n zong ong ki gen zeuhzeuh thei zel uh hi. Veina, kin-na i cih te pen, hamciam theih zong ong hi lo aa, i lungtang sung pan, a ma thu aa a ong piang, lungsim tawsawn na khat a hih lam tak, a tel lo te, tel ding in, ka gen thei tuan kei leuleu hi.

Leitung nuntak lai teng, i nisim nuntak khuasak zia, kiim leh pam te tung pan, thu a ki sin kha toto hi cih bel, ka tel hi. Pasian thu hi cih ding hi sam na pi in, tua Pasian thu-um mi te mah zong, midang te sang, a lungsim te uh, na suk khelkhel zaw thei mawk lai hi. 

Lawmhoih aa ka neih ngei pawl khat ten, sim tham in, a ong suk kheuhkheuh theih zel tak ciang, lamdang ka na sa vat mawk hi. It ka hih man in, ka vei aa, a vai te uh ka kin pih bawl ngei hi. A hi zong in, a ki neih thei lo kei dan pawlpawl pen, a ki neih siam ten a ong zawh simsim lamtak ka thei hak lua mawk hi. Ka theih hang in zong, ka din mun, hiam zaw tuan lo in, mawl zaw tuan sam lo leuleu hi. Mailam aa ka behlap ding, theihna khat a khang ci'n ka ngaihsun lel hi.

Laisim sanggam ulenau te aw, no e leh bang cih ngaihsut nei vua? Ka ngaihsut zia, khial nong sa na vua?

Paramore

Eminem

Michael Jackson

 

Westlife

 

Taylor Swift

Swift at the Hollywood premiere of Hannah Montana: The Movie in April 2009.

Background information
Birth name     Taylor Alison Swift
Born     December 13, 1989 (1989-12-13) (age 20)
Wyomissing, Pennsylvania, United States
Genres     Country,[1] pop[2]
Occupations     Singer-songwriter, guitarist, actress
Instruments     Vocals, guitar, piano,[3] ukulele,[4] 12-string guitar
Years active     2006–present
Labels     Big Machine Records
Website     www.taylorswift.com

Eagles

 

Britney Spears

ZOMI NOVEL : Hau Leng Nuam

"Hau Leng Nuam" a mai ong pai khia sin..

Ka Sayama nu ong sap ka zak ciang, linglawng kawm, dah kawm in, a mai ka pai khin khian.

Sang laibu man leh sang pawi vai-hawm nang sum kidong, nang kiang pan tudong ki ngah nai lo aa, kong ngetnget, kong zaksak sak bang zah vei pha ta ding a hiam? Laitan ci leng tan-5 tung pan, tu ma lam aa, Sayama te thugen mang nuam lo, a ong langpang nuam aa nong ki pat zen mahmah..

 

"Tawk" dak khawng.

 

"Sum senpi nai lo ka hih man aa, ong pia zo nai lo hing, Sayama aw" ka cih a lungkim zo vetlo ka Sayama Nu'n,

"Bang e, bang e, sang lah koih nuam, laibu man te ciang lah a pia zo lo na Nu na Pa te kiang, sang ong koih nawn dah in, va ci ve. Nawng kai taktak mah teh. Nang tuni sun thapai tua teng ah ding,"

"khai-leh, sangnaupang te, na laibu uh leem"......

Ka Sayama nu thugen khit lian, khanpih sangnaupang lawm ten ong en ngeingai. A mit hah dan te uh in, a khiatna tampi nei phadiak leh kilawm. Miginalo pa, Sayama te thumanglopa, mizawng daipampa etc.. . Ken tua te phu zo lo, a ma thu aa, a ong tolh suksuk ka khi-tui te na ngawn zong, nul zo lo.

A mang thei pak bang hi leng, mang pak nuam sam ing ei maw. Tuni zong, sang tuak hak se pha diak si ee le. Sum pia zo sangnaupang dang ten tut sa aa lai a sim lai tak, sang sum pia zo lo pa, kei leuleu sang khan mai ah, sunthapai dinsa tawh, Sang tuah hun ding te ngak lah aa om, Hiim bang a pha mawh de maw, kei ut, ka teel lah hi zenzen lo aa, Pasian ong geelsaksa ka nuntakna dinmun, ken bang cih nial zawh tuan mawk ding  "

"Bangbang a hi zong, nitak  ciang bel, Nu kiang, sangsum ding ka ngah dong ngen hamtang ning" cih kawmkawm leh, Sang tuak, inn tung. Nu le Pa a ki ho sim khin-khian na uh, va za.

"Nang hi bang pi tawh, na hih cih omom, say-khan, sayavuan bek tawh ki lah lo', piang mahmah ding i hiam ??"

"Sum i neih keei lo' pi, pha mawh mahmah kei e, sum nei lo cina te peuh a om muan vua a lung hamham Sayavuan te tawh va ki lah se sang, hih bang aa a piang bangbang, ka pum thuak, nuam sa zaw mai ing. Nau te zong, a ong khangkhang ding uh hi ta, a sang sap mah, bang mah, a bei ding hau lua hang"

Pa thu gen khit zawh teh, Nu'n vanlui singkuang kawm sung pan, kum tampi sung a toptop, a it mahmah "shwe-khi" ong la khia. "Hih tawh kilak zo sam lo ding i hi maw," kun bawl.

"Tua te, naupang te aa ding in, na kem suak aw maw. Sang zong ong kah gai ta uh a hih teh, a ki sap velval hun ong om ding hi."

Nu le Pa a ki ho na te uh, ka zak sim tak ciang, lungsim te ki tam kham in,ka kah ong suak keei. Ka kah nop keei hang, a luang ding ka khi-tui te na ngawng zong, kang khin keei ta.

"Sum nong ken kei ngeingei leh, sang ong pai ken" Sayama nu ong thu vai khak,

Hih bang pi tawh, ken bang ci bang aa, ka Nu kiang gen ngam mawk nawn ding. A thei sak ngam nawn lo ding ka hi ta ve maw.

Ka lungsim sung pan a ging khia lo aa pau " Nu aw, i innkuan sung dinmun, ka min tawh ki leh bulh taktak mah hang ei maw."

" Pa aw, bang hang ka lelh ding min, ka Pu in, ong phuak kha ai de, min lel ka hi ve maw"

 

Zoplai ding , To be continued.....

By Nicholas Pau
(TunNu Khekhap)

'Burmese Refugee' Film Soon to be Released

18 April 2011: Refugee dinmun tawh nuntak a hamsat zia lah khiat-na Film/Melmuh-tonson a muh nop mahmah ding khat, U.S aa khang khia, Kawlgam-mi/Burmese Actor Adrain Zaw in, tu kha bei pawl in, ong hawm' khiat sawm hi cih thu, Mizzima News tungtawn in ki-za hi.

Film sung ah, kum (22) a pha, Actor Zaw in, Kawlgam pan meibawl-siam/Electrician khat, mikangpau siam lo' hu hau tawh, U.S a tun' tak ciang aa, kuangsawp nasep bek a ngah, Thai gam Refugee Camp aa om, a innkuanpih a zi leh a ta a sapsawm a hi, San Aung in, ki neih ding hi.

Thukidotna khat ah, Andrain Zaw in: " Mi ten Kawlgam/Burma ong theih pih ding lunggulh mahmah ingh. Hih teng ah, ka tualten zawh, na ka sep zawh sawt mahmah ta hi. A hih hang in, 'Kei pen Kawlgam/Burma pan hing ka cih sial in, ong ki tel pih ngei lo uh in, 'China' maw, 'Japan' maw cih bang peuh in, ong ki dong kik pahpah hi.

"Hih Film a ki et khit ciang, mi tampi in, i gam i lei ong telpih semsem ding in, ka lam-en hi."

1992 kum, kum-4 a phak in, Andrain Zaw pen, a nulepa tawh, Yangon pan U.S lam ong zuat san hi.

Bang ci bang in, Kawlpau siam mahmah mawk na hiam? ci-in a ki dot tak ciang in, Adrain in, " Inn ah, Kawlpau/Burmese bek ka zangh tawn tung hi. Gamdang mundang tung Kawlgam-mi khempeuh in zong, ei kua te cih i phawk tawntung ding leh, i Pupa lamkiatna, i pai khiat-na gam, i mangngilh lo' tawntung ding, deihsak mahmah ingh," ci-in gen thuah hi.

Burmese acotor pa in, khanno te hih Film nasepna lam tawh kisai hilhciannop-na leh a nuntakna te lapsang to nopna tawh kisai a hi, 'Burmese Youth Foundation in Films' cih sunmang pi khat nei hi.

Hollywood Film actor leh producer, Adrain Zaw pen, TV presenter, anchorman leh teaching debate and speech cih te sem kawm in, California ah teng hi.

Ei Zomi te zong, i tun na mun tek pan, hih actor pa lungsim pua tek leng, a hoih kha diam aw, cih ngaihsutna tawh,

A kicing in, Original links http://www.mizzima.com/edop/interview/5151-a-native-burmese-actor-talks-about-his-career-in-the-us.html

Adrain Zaw ki hel na Film pawl khat hih teng pan ki en thei hi.

Adrain Film 

By Nicholas Pau

(TunNu KheKhap)

Spelling

Understand the Importance of Spelling Correctly

Lai haat te pen, lai malgawm a khial thei te i hi hi. A hi zong in, lai malgawm khialh te pen, ol tak in ki mu thei hi. Lai malgawm khialh lo nang pen, i hanciam nop mahmah leh, Dictionary mah tawh i ki paat lo pha mawh ding hi. I ciat phat kei leh, Dictionary mah et pahpah ding hi.

Dictionary sung ah, lai malgawm a man i mu thei hi. Bang ci bang aa, aw suah cih zong i mu thei lai hi. Internet zangh te aa ding in, online Dictionary pawl khat om hi.
1) www.merriam-webster.com
2) www.yourdictionary.com

A ong buai sak thei pha diak mikang lai malgawm 10
Khial--------------------Man
alot---------------------a lot
arguement----------------argument
definate, defenite-------definite
develope-----------------develop
Lite---------------------light
necesary, nesesary-------necessary
recieve------------------receive
seperate-----------------separate
surprize, surprise-------surprise
untill-------------------until

Lai Malgawm-zia Nam 6

VOWELS: a..,e..,i..,o..,u
CONSONANTS: b..,c..,d..,f..,g..,h..,j..,k..,l..,m..,n..,p..,q..,r..,s..,t..,v..,w..,x..,y..,z..

Laimal "y" pen vowels lah hi thei zel in, consonant lah hi thei zel hi. Gentehna in, y tawh "Fly" a hih kei leh "Hungry" in, Consonant aw leuleu ah Y pen "yellow" cih dan mun aa i zaat ciang ki mu thei hi.

UT LEH UT-L0

UT LEH UT-LO 

Ong ki angtangpih ding ut na pi hang in, va angtangpih sawm hiau lo!

Ong ki behlapsak ding ut na pi hang in, va behlapsak sawm hiau lo!

Ong ki cinsak ding ut na pi hang in, va cinsak sawm hiau lo!

Ong ki dopsak ding ut na pi hang in, va dopsak sawm hiau lo!

Ong ki daipih ding ut na pi hang in, va daipih sawm hiau lo!

Ong ki dahpih ding ut na pi hang in, va dahpih sawm hiau lo!

Ong ki et ding ut na pi hang in, va et sawm hiau lo!(damlo'na, dahna)

Ong ki "fellowship" pih ding ut na pi hang in, va "fellowship" pih sawm hiau lo!

Ong ki gel-pih ding ut na pi hang in, va gel-pih sawm hiau lo!

Ong ki ginat-pih ding ut na pi hang in, va ginat-pih sawm hiau lo!

Ong ki huh ding ut na pi hang in, va huh sawm hiau lo!

Ong ki it ding ut na pi hang in, va it sawm hiau lo!


Ong ki kin ding ut na pi hang in, va kin sawm hiau lo!

Ong ki kawm ding ut na pi hang in, va kawm sawm hiau lo!

Ong ki khual ding ut na pi hang in, va khual sawm hiau lo!

Ong ki lapsang ding ut na pi hang in, va lapsang sawm hiau lo!


Ong ki lungdam pih ding ut na pi hang in, va lungdam pih sawm hiau lo!

Ong ki maisak ding ut na pi hang in, va maisak sawm hiau lo!

Ong ki ngaihsak ding ut na pi hang in, va ngaihsak sawm hiau lo!

Ong ki phawk khak ding ut na pi hang in, va phawk sawm hiau lo!

Ong ki piak-khiat ding ut na pi hang in, va piak-khiat sawm hiau lo!

Ong ki pi bawl ding ut na pi hang in, va pi bawl sawm hiau lo!


Ong ki pahtawi ding ut na pi hang in, va pahtawi sawm hiau lo!


Ong ki panpih ding ut na pi hang in, va panpih sawm hiau lo!

Ong ki pat-tah ding ut na pi hang in, va pat-tah sawm hiau lo!

Ong ki phat ding ut na pi hang in, va phat sawm hiau lo!

Ong ki sep-pih ding ut na pi hang in, va sep-pih sawm hiau lo!

Ong ki tawisang ding ut na pi hang in, va tawisang sawm hiau lo!

Ong ki theihsak ding ut na pi hang in, va theihsak sawm hiau lo!

Ong ki telsiamsak ding ut na pi hang in, va telsiamsak sawm hiau lo!

Ong ki uap ding ut na pi hang in, va uap sawm hiau lo!

Ong ki vei ding ut na pi hang in, va vei sawm hiau lo!

Ong ki zahtak ding ut na pi hang in, va zahtak sawm hiau lo!

Ong ki zum pih ding ut na pi hang in, va zum pih sawm hiau lo!

Ong ki zop ding ut na pi hang in, va zop sawm hiau lo!

Ong ki zepsak ding ut na pi hang in, va zepsak sawm hiau lo!

Ong ki zuih-sak ding ut na pi hang in, va zuih-sak sawm hiau lo!

Ong ki ZOMI pih ding ut na pi hang in, va ZOMI pih sawm hiau lo!(Community Base)

UT NA PI HANG IN UT-LO, UT-LO NA PI HANG IN UT,

UT..UTLO, UTLO..UT

 By Nicholas Pau
 (TunNu Khekhap)

Blessings

BLESSINGS 

By Laura Story

• We pray for blessings
  We pray for peace
  Comfort for family
  Protection while we sleep
  We pray for healing
  For prosperity
  We pray for your mighty hand to ease our suffering
  All the While you hear each spoken need
  Yet love us way too much to give us lesser things
   
• 'Cause what if your blessings come through raindrops?
  What if your blessings come through tears?
  What if a thousand sleepless nights are what it takes to know You're near?
  What if trials of this life
  Are your mercies in disguise?
  
• We pray for wisdom
  Your voice to hear
  And we cry in anger
  When we cannot feel You near
  We doubt Your goodness
  We doubt Your love
  As if every promise from Your Word is not enough
  All the while You hear each desperate plea
  But long what we'd have faith to believe
  
• 'Cause what if your blessings come through raindrops?
  What if your blessings come through tears?
  What if a thousand sleepless nights are what it takes to know You're near?
  What if trials of this life
  Are your mercies in disguise?
   
• When friends betray us
  When darkness seems to win
  We know
  The pain reminds this heart
  That this is not
  This is not our home
  
• 'Cause what if your blessings come through raindrops?
  What if your blessings come through tears?
  What if a thousand sleepless nights are what it takes to know You're near?
  What if my greatest disappointments
  Or the aching of this life?
  Is the revealing of a greater thirst this world can't satisfy?
  What if trials of this life
  The rain, The storm, The hardest night
  Are Your mercies in disguise?
  
  
  
  
  
  
  
  
  

KHAT OM

-----------------------------------------------------------------------------------------------------------------------

• A zatui ding omlo natna khat om a,
  Thadah natna hi. 

• A kimaisak theilo mawhna khat om a,
  Uploh mawhna hi. 

• Manlang lua cih omlo nasep khat om a,
  Khamangthang zon' nasep hi. 

• Mikim cimtak theihloh nasep khat om a,
  Mawhna bawl nasep hi. 

• Kisik ingh cih omlo nasep khat om a,
  Pasian' nasep hi. 

• Pasian nangawn i zawhloh na khat om a,
  Thuman noplohna hi.

By Job Thawngno

LAISIANGTHO LEH LIMLANGH

* Limlangh in i lim bek hong kilangsak a,
Laisiangtho in a takpi hong kilangsak hi.
* Limlangh in tunglam nitna hong kilangsak a,
Laisiangtho in sunglam nitna zong hong kilangsak hi.
* Limlangh en kei leng i nitna leh i mel i sa i mangngilh pahpah bangin,
Laisiangtho en kei leng i mawhna leh i hihnate kimangngilh pahpah thei hi.
* Limlangh tawh i nitnate kisawp thei loin, tui tawh i sawp theih mah bang in,
Laisiantho' hong lah i nitnate, kisiikna leh thungetna tawh kisawpsiang thei hi.
* Limlangh i mai-ah koih in, i et zelzel mah bangin,
Laisiangtho i mai ah koih in, etna leh zuihna tawh nuntak ding a hi hi.